इश्तेहार (इक कुड़ी) / शिव कुमार बटालवी

इक कुड़ी जिदा नाम मुहब्बत
गुम है-गुम है-गुम है ।
साद-मुरादी सोहनी फब्बत
गुम है-गुम है-गुम है ।

सूरत उस दी परियां वरगी
सीरत दी उह मरियम लगदी
हस्सदी है तां फुल्ल झड़दे ने
टुरदी है तां ग़ज़ल है लगदी
लंम-सलंमी सरू दे कद्द दी
उमर अजे है मर के अग्ग दी
पर नैणां दी गल्ल समझदी ।

गुम्यां जनम जनम हन होए
पर लग्गदै ज्युं कल्ल्ह दी गल्ल है
युं लग्गदै ज्युं अज्ज दी गल्ल है
युं लग्गदै ज्युं हुन दी गल्ल है
हुन तां मेरे कोल खड़ी सी
हुन तां मेरे कोल नहीं है
ए की छल है ए केही भटकण
सोच मेरी हैरान बड़ी है
नज़र मेरी हैरान बड़ी है
चेहरे दा रंग फोल रही है
ओस कुड़ी नूं टोल रही है ।

शाम ढले बाज़ारां दे
जद मोड़ां ते ख़ुशबू उग्गदी है
वेहल, थकावट, बेचैनी
जद चौराहआं ते आ जुड़दी है
रौले लिप्पी तनहायी विच
ओस कुड़ी दी थुड़ खांदी है
ओस कुड़ी दी थुड़ दिसदी है

हर छिन मैनूं युं लग्गदा है
हर दिन मैनूं युं लग्गदा है
जुड़े जशन ते भीड़ां विचों
जुड़ी महक दे झुरमट विचों
उह मैनूं आवाज़ दवेगी
मैं उहनूं पहचान लवांगा
उह मैनूं पहचान लवेगी
पर इस रौले दे हढ़ विचों
कोई  मैनूं आवाज़ ना देंदा
कोई  वी मेरे वल्ल ना विंहदा
पर ख़ौरे क्युं टपला लग्गदा
पर ख़ौरे क्युं झउला पैंदा
हर दिन हर इक भीड़ जुड़ी 'चों,
बुत्त उहदा ज्युं लंघ के जांदा
पर मैनूं ही नज़र ना आउंदा
गुम गई मैं ओस कुड़ी दे
चेहरे दे विच गुम्या रहन्दा
उस दे ग़म विच घुलदा रहन्दा
उस दे ग़म विच खुरदा जांदा ।

ओस कुड़ी नूं मेरी सौं है
ओस कुड़ी नूं अपनी सौं है
ओस कुड़ी नूं जग्ग दी सौं है
ओस कुड़ी नूं रब्ब दी सौं है
जे किते पढ़दी सुणदी होवे
ज्यूंदी जां उह मर रही होवे
इक वारी आ के मिल जावे
वफ़ा मेरी नूं दाग़ ना लावे
नहीं तां मैथों जिया ना जांदा
गीत कोई  लिख्या ना जांदा

इक कुड़ी जिदा नां मुहब्बत
गुम है-गुम है-गुम है
साद-मुरादी सोहनी फब्बत
गुम है-गुम है-गुम है ।


(Listen to the poet's recital of the poem here. As a bonus treat, listen to Rabbi Shergil's take on the poem here. You may also enjoy listening to Diljit Dosanjh's rendition for the movie Udta Punjab.)